Awaz-e-Layyah

150 روپے کے لین دین پر تلخ کلامی، نوجوان قتل
خانیوال: 150 روپے کے لین دین پر تلخ کلامی، نوجوان قتل
خانیوال کی بستی ہیبت کوٹ، بلال کالونی میں افسوسناک واقعہ پیش آیا، جہاں سلمان نامی نوجوان کو مبینہ طور پر چاقو کے وار کرکے قتل کردیا گیا۔
ذرائع کے مطابق سلمان اور حسن نیازی کے درمیان 150 روپے کے لین دین پر تلخ کلامی ہوئی تھی، تاہم بعد ازاں دونوں میں صلح ہوگئی۔ مبینہ طور پر حسن نیازی مقتول کے موٹرسائیکل پر سوار ہوا اور راستے میں چاقو کے وار کرکے سلمان کو شدید زخمی کردیا، جو موقع پر ہی دم توڑ گیا۔

*🚨یارک ٹول پلازہ کی بندش، سابق وزیر اعلی علی امین گنڈاپور اپنے قافلے میں شامل تمام کارکنوں سمیت ڈی آئی خان واپس چلے گئے*

*📢علی امین گنڈا پور کا راستے میں لگے کنٹینرز کو ہٹا کر قانون ہاتھ میں لینے سے انکار*

*🔥دفعہ 144 لاگو کیا گیا ہے اور پارٹی پالیسی پر عمل کرکے زبردستی راستے نہیں کھول سکتے، راستوں کی بندش کے حوالے سے وزیراعلی اور متعلقہ افسران سے رابطہ کرتا ہوں، علی امین گنڈاپور*

پشاور/اگر ایمرجنسی وغیرہ لگتی ہے تو میں اکیلا ہی پی ٹی آئی کے لیے کافی ہوں. گورنر خیبر پختونخوا فیصل کریم کنڈی

مسلم لیگ ن شہباز شریف کی ملک واپسی کا انتظار کر رہی تھی، پیپلزپارٹی اور محسن نقوی بار بار زرداری سے ملنے جا رہے تھے، پھر تحریک انصاف سے مطالبہ کیوں کہ اپنے لیڈر عمران خان سے ملے بغیر فیصلہ کرو؟ اسد عمر کا سوال

بوگس مقد مات پر ایس ایچ او نارنگ محبوب مصطفیٰ
کے خلاف رپٹ درج
ضلع شیخوپورہ کے سب انسپکٹر اویس گجرTSI نے اپنی غیر موجودگی میں رخصت اتفاقیہ پر جانے کے بعد بوگس مقدمات درج کروانے پر ایس ایچ او نارنگ کے خلاف رپٹ لکھ دی اور ایس ایچ او کے خلاف علاقہ مجسٹریٹ کے پیش ہو کر زیر دفعہ 200 ض ف استغاثہ بھی دائر کر دیا۔

مذاکرات دوبارہ شروع کریں، کوئی نہ کوئی راستہ نکالیں، یہ تاثر نہ دیں کہ سیاستدان ناکام ہوگئے، اگر دونوں فریقین آج دوبارہ مذاکرات کیلئے بیٹھیں تو اب بھی کوئی معاہدہ ہو سکتا ہے، وزیراعلیٰ سہیل آفریدی کو خود مذاکرات کا حصہ بننا چاہیئے، حامد میر کا مشورہ

ڈاکٹر اشفاق کی ریٹائرمنٹ، خدمتِ خلق کے درخشاں باب کا اختتام

فتح پور: ٹی ایچ کیو ہسپتال فتح پور کے سینئر سرجن ڈاکٹر اشفاق طویل اور شاندار طبی خدمات کے بعد ریٹائر ہو گئے۔ ڈاکٹر اشفاق نے دورانِ ملازمت ہزاروں مریضوں کا علاج کیا اور پیچیدہ نوعیت کے متعدد آپریشنز کامیابی سے انجام دے کر مریضوں اور اہلِ علاقہ کے دلوں میں خاص مقام بنایا۔

ڈاکٹر اشفاق کی رخصتی کے موقع پر ہسپتال میں الوداعی تقریب کا انعقاد کیا گیا، جہاں ساتھی ڈاکٹرز، طبی عملے اور دیگر افراد نے ان کی خدمات کو سراہتے ہوئے انہیں خراجِ تحسین پیش کیا۔ شرکاء کا کہنا تھا کہ ڈاکٹر اشفاق کی پیشہ ورانہ مہارت، خوش اخلاقی اور مریضوں کے ساتھ ہمدردانہ رویہ ہمیشہ یاد رکھا جائے گا۔

اس موقع پر ایم ایس ٹی ایچ کیو ہسپتال ڈاکٹر یاسر نے اپنے سینئر ڈاکٹر اشفاق سے محبت اور احترام کا منفرد اظہار کرتے ہوئے خود گاڑی چلا کر انہیں ان کی منزل تک پہنچایا۔ یہ منظر ڈاکٹر اشفاق کے ساتھیوں اور عزیزوں کے لیے جذباتی اور یادگار لمحہ بن گیا۔

ہسپتال انتظامیہ اور ساتھیوں نے ڈاکٹر اشفاق کی طویل اور بے لوث خدمات پر انہیں خراجِ تحسین پیش کرتے ہوئے مستقبل کے لیے صحت، سلامتی اور خوشگوار زندگی کی دعائیں دیں۔

سہیل آفریدی کے مطالبات کے جواب میں محسن نقوی نے حکومتی ڈرافٹ شیئر کردیا
خیبرپختونخوا حکومت ایک تحریری معاہدے پر دستخط کرنے اور عمل درآمد کا منصوبہ جمع کرانے پر رضامند ہوگئی تھی، لیکن مذاکرات کے حتمی مرحلے کے دوران وعدوں سے پیچھے ہٹ گئی، وزیرداخلہ کا دعویٰ